انسانی حقوق کے لئے اقوام متحدہ کے ہائی کمشنرمچل بیچلٹ نے بھارت کے غیرقانونی زیرقبضہ جموں وکشمیرمیں مواصلات پرپابندی اورسول سوسائٹی کے خلاف کارروائیوں پرشدیدتشویش کا اظہارکیاہے۔
ایک بیان میں انہوںنے کہاکہ مقبوضہ علاقے میںانسانی حقوق کے رضاکاروں کے خلاف کارروائیوں سے ثابت ہوتاہے کہ سول سوسائٹی پرپابندیاں جاری ہیں جو عوام کے معلومات تک رسائی کے حق کونقصان پہنچاتی ہیں۔اقوام متحدہ کے انسانی حقوق کے ہائی کمشنر نے کہاکہ گزشتہ اکتوبرمیں بھارت کی قومی تحقیقاتی ایجنسی نے جموں وکشمیر کے سول سوسائٹی اتحادکے دفتروں اور ان کے رابطہ کاروں پرچھاپے مارے۔این آئی اے نے لاپتہ افراد کے والدین کی تنظیم کے دفترپربھی چھاپہ ماراجواُن ہزاروں کشمیریوں کے بارے میں جانناچاہتے ہیں جن کومبینہ طورپربھارت کی فوج نے حراست کے دوران غائب کرلیاہے۔