بھارت کے غیر قانونی زیر قبضہ جموں و کشمیر میں بھارتی فوج نے ریاستی دہشتگردی کی جاری کارروائیوں کے دوران گزشتہ ماہ چھ کشمیریوں کو شہید کیا۔
آج کشمیر میڈیا سروس کے شعبہ تحقیق کی طرف سے جاری کئے گئے اعدادو شمار کے مطابق اِن تمام نوجوانوں کو جعلی مقابلوں میں شہید کیا گیا۔اس عرصے کے دوران 63 نوجوانوں کو گرفتار کیا گیا جبکہ بھارتی پولیس کی طرف سے پُر امن مظاہرین پر وحشیانہ طاقت کے استعمال سے پانچ افراد زخمی بھی ہوئے۔اسی طرح قابض فوج نے دو مکانات بھی تباہ کئے۔