دولت مشترکہ کی سیکرٹری جنرل پیٹریشیا سکاٹ لینڈ نے2022 کے سیلاب میں پاکستانی عوام کی ہمت و حوصلے کو سراہا ہے۔ 

اسلام آباد میں ایک تقریب سے خطاب میں انہوں نے کہا کہ پاکستان ایک متنوع جغرافیہ اور بڑی تاریخی ثقافت اور ورثہ رکھتا ہے تاہم یہ موسمیاتی تبدیلی کا شکار ہے۔

انہوں نے کہا کہ موسمیاتی تبدیلی دور حاضر کا سب سے بڑا چیلنج ہے اس کی کوئی سرحد نہیں ہے اور یہ ہر ایک کو متاثر کرتی ہے۔

دولت مشترکہ کی سیکرٹری جنرل نے موسمیاتی تبدیلی سمیت تمام چیلنجز سے نمٹنے کے لئے جدید ٹیکنالوجی کے استعمال کی ضرورت پر زور دیا۔