روسی وزیرخارجہ سرگئی لیوروف نے کہا ہے کہ ان کی مسلح افواج یوکرین کو مغربی ممالک کی جانب سے طویل فاصلے کے ہتھیاروں کی فراہمی کا جواب دیں گی جس کا مقصد محفوظ بفرزون کے قیام کیلئے یوکرینی افواج کواپنی سرحدوں سے مزید پیچھے دھکیلنا ہے ۔
سرکاری ٹی وی کو ایک انٹرویو میں انہوں نے کہاکہ اب ہم یوکرینی فوج کے توپ خانے کو پیچھے دھکیلنے پر غور کررہے ہیں تاکہ اپنے علاقوں کوخطرات سے محفوظ بنا سکیں۔
انہوں نے کہاجس قدر ہتھیار یوکرین کی حکومت کو پہنچائے جائیںگے ہم ان علاقوں سے جو ہمارے ملک کا حصہ ہیں انھیں اتنا ہی پیچھے دھکیلیںگے۔