وزیرداخلہ شیخ رشید احمد نے علاقے میں امن وامان برقراررکھنے پرگلگت بلتستان سکائوٹس کے کردارکوسراہا ہے ۔آج گلگت میں گلگت بلتستان سکائوٹس کے صدر دفتر کا دورہ کرتے ہوئے انہوں نے کہاکہ یہ فورس سیاچن پرغیرمعمولی دلیری کا مظاہرہ کررہی ہے ۔شیخ رشید احمد نے کہاکہ گلگت بلتستان ملک کی ترقی میں اہم کردارادا کررہا ہے اور اسے قومی دھارے میں شامل کیاجارہا ہے ۔وفاقی وزیر نے کہا کہ دیامر بھاشا ڈیم کی تکمیل سے پاکستان کے پانی اور توانائی کے مسائل ختم ہوجائیںگے۔