وزیرخزانہ شوکت ترین نے یقین دلایاہے کہ پائیدارترقی اور خصوصی پیداواری اہداف کے حصول کے لئے بجٹ تیاری کے عمل میں تمام فریقوں سے مشاورت کی جائے گی۔وفاق ہائے ایوان صنعت وتجارت پاکستان کے ساتھ ایک آن لائن اجلاس میں انہوں نے کہاکہ کاروباری برادری کے ساتھ مشاورت سے پائیدار اوراضافی تبدیلیوں کی اشد ضرورت ہے۔شوکت ترین نے کہاکہ معیشت کی ترقی اورمالی استحکام، کم ٹیکس شرح، ٹیکس کادائرہ بڑھانے اورٹیکس دہندگان کااندراج لازمی قراردینے میں قابل حصول ہے۔وفاق ہائے ایوان صنعت وتجارت پاکستان کے صدرمیاں نصیرحیات منگونے کاروبار، صنعت اور پاکستان کے تاجروں کو درپیش مسائل کے بارے میں وزیرخزانہ کوآگاہ کیا۔