بھارت کے غیرقانونی زیرقبضہ جموں وکشمیر میں جموں کشمیر پیر پنجال فریڈم موومنٹ اور جموں وکشمیر پیپلزموومنٹ نے مجاہد کمانڈر محمد اقبال عرف عبداﷲ شہید کو ان کے یوم شہادت کے موقع پر زبردست خراج عقیدت پیش کیا ہے ۔
ایک مشترکہ بیان میں جموں کشمیر پیر پنجال فریڈم موومنٹ کے نائب چیئرمین قاضی عمران اور جموں وکشمیر پیپلزموومنٹ کے نائب چیئرمین عبدالمجید ملک نے کہا ہے کہ کشمیر کی آزادی کی جدوجہد میں عبداﷲ شہید کے خاندان کا اہم کردارہے ۔انہوں نے آزادی کی تحریک کو اس کے منطقی انجام تک پہنچانے کےلئے کشمیریوں کے عزم کا اعادہ کیا ۔ادھر ہائی کورٹ نے ضلع اسلام آباد کے علاقے SOAF SHALI کے رہائشی مشتاق احمد وانی کی پبلک سیفٹی ایکٹ کے کالے قانون کے تحت گرفتاری کے احکامات مسترد کردئیے ہیں۔