برطانیہ کے ممتاز روزنامے گارڈین نے بھارت میں مودی کی زیر قیادت بی جے پی حکومت کی طرف سے اپنی پالیسیوں کیخلاف مظاہروں کو دبانے کیلئے سوشل میڈیا پر پابندیاں لگانے پر تنقید کی ہے ۔

ایک مضمون میں اخبار نے لکھا ہے کہ غربت کے بحران ،بے روزگاری اورخطر ناک ماحولیاتی صورتحال سے عوام کی توجہ ہٹانے کیلئے حکومت اختلاف کرنے والوں پر مسلسل کریک ڈاﺅن کر رہی ہے ۔اخبار نے بھارت کے غیر قانونی زیر قبضہ جموں و کشمیر میں انٹرنیٹ کی بندش اور انسانی حقوق کے کارکنوں کے ساتھ ناروا سلوک پر بھی تنقید کی ہے جو خود کو بچانے کیلئے اپنے سوشل میڈیا اکاﺅنٹس کو ضائع کرنے پر مجبور ہو گئے ہیں۔اخبار نے بھارتی حکومت کے نئے ضوابط کا بھی ذکر کیا ہے جس میںسوشل میڈیا کی ریاستی نگرانی کو مضبوط بنانے کیلئے سوشل میڈیا کمپنیوں کیلئے بھارت کے قانون نافذ کرنے والے اداروں سے تعاون کو ضروری قرار دیا گیا ہے ۔