صحت کی پارلیمانی سیکرٹری ڈاکٹر نوشین حامد نے کہا ہے کہ پاکستان تحریک انصاف کی حکومت عوام کو صحت کی بہترین سہولتوں کی فراہمی کیلئے ہرممکن کوششیں کررہی ہے ۔
ریڈیوپاکستان کے خبروں اور حالات حاضرہ کے چینل کو دئیے گئے ایک انٹرویو میں انہوں نے عوام پر زوردیا کہ وہ معیاری صحت کے اصولوں کی پاسداری کریں۔چھاتی کے سرطان سے متعلق گفتگو کرتے ہوئے انہوں نے کہاکہ اس مرض کی تشخیص سے خواتین کو مہلک مرض سے بچایا جاسکتا ہے۔ڈاکٹر نوشین حامد نے کہاکہ بچوں کی مہلک امراض سے بچانے کیلئے قطرے پلانے اور ٹیکے لگانے کے عمل کو توسیع دینے کیلئے لائحہ عمل تیار کیاجارہا ہے ۔پولیو کے بارے میں ایک سوال پر انہوں نے کہاکہ والدین کی طرف سے پولیو کے بچائو کے قطرے پلانے سے انکار پاکستان سے پولیو کے ختم نہ ہونے کی بڑی وجہ ہے ۔(این این آر، وہاج بشیر)