بلوچستان کے وزیراعلی جام کمال نے کہا ہے کہ ملک دشمن عناصر صوبے میں امن وامان کا مسئلہ پیدا کرنا چاہتے ہیں تاہم وہ اپنے مذموم عزائم میں کبھی کامیاب نہیں ہوںگے۔انہوں نے یہ بات بدھ کے روز کوئٹہ میں بحری امور کے وزیرعلی حیدرزیدی اور ڈپٹی سپیکر قومی اسمبلی قاسم خان سوری کے ہمراہ صحافیوں سے گفتگو کرتے ہوئے کہی۔وزیراعلی نے کہا کہ ہم مچھ کے افسوسناک سانحے کے سوگوار خاندانوں سے اظہار یکجہتی کرتے ہیں۔بحری امور کے وزیر علی حیدرزیدی نے کہا کہ ملک دشمن عناصر ملک کی ترقی کو ہضم نہیں کرسکتے۔انہوں نے کہا کہ ہمیں پاکستان کے دشمنوں کے ایجنڈے کو شکست دینے کیلئے متحد ہونا ہوگا۔