خیبرپختونخوا کے وزیراعلیٰ محمود خان نے کہا ہے کہ اچھا نظم و نسق موجودہ حکومت کا اہم ایجنڈا ہے۔
منگل کے روز پشاور میں ایک اجلاس کی صدارت کرتے ہوئے انہوں نے تمام اضلاع کے منتظمین کو ہدایات دیں کہ خصوصاً ماہ رمضان میں اچھے نظم و نسق کو یقینی بنائیں۔
محمود خان نے کہا کہ حکومت کو مشکل صورتحال کا ادراک ہے اور وہ عوام کو ریلیف کی فراہمی کیلئے پرعزم ہے۔
انہوں نے کہا اس مقصد کیلئے رمضان کے مقدس ماہ کے دوران صوبے بھر میں سستے بازار لگائے جارہے ہیں۔