آزادجموں وکشمیرکے صدرسردارمسعودخان نے بھارت کے غیرقانونی زیرقبضہ جموں وکشمیر میں تین کشمیری نوجوانوں کے سفاکانہ قتل کی شدید مذمت کی ہے۔ایک بیان میں انہوں نے اقوام متحدہ پرزوردیاکہ بھارت کے غیرقانونی زیرقبضہ جمو ںوکشمیر میں انسانی حقوق کی سنگین خلاف ورزیوں کی تحقیقات کے لئے فیکٹ فائنڈنگ کمیشن تشکیل دے۔آزادجموں وکشمیرکے صدرنے غیرقانونی مقبوضہ وادی میں پرامن شہریوں کے رہائشی گھر منہدم کرنے اور خواتین سے بدسلوکی کے بڑھتے ہوئے واقعات کی بھی شدیدمذمت کی۔انہوں نے کہاکہ بھارت آزادی پسندلوگوں کے خلاف تشدد کی پالیسی ترک کرے۔مسئلہ کشمیر کی حقیقت کو تسلیم کرے اورکشمیری عوام کی امنگوں کے مطابق تنازعہ کاحل تلاش کرے۔