وزارت انفارمیشن ٹیکنالوجی اور فوج کے شعبہ تعلقات عامہ نے ملک میںاینی میشن صنعت کی ترقی و فروغ کیلئے تعاون پر اتفاق کیا ہے۔اس حوالے سے مفاہمت وزیر آئی ٹی و ٹیکنالوجی سید امین الحق اور ڈی جی آئی ایس پی آر میجر جنرل بابر افتخار کے درمیان راولپنڈی میں ہونے والی ملاقات میں سامنے آئی۔ اس موقع پر سیکرٹری آئی ٹی اور ٹیلی کام شعیب احمد صدیق بھی موجود تھے۔ملاقات میں بتایا گیا کہAnimationصنعت کا عالمی مارکیٹ حجم270 ارب ڈالرز ہے اور2025ء تک یہ415 ارب ڈدالرز تک بڑھنے کی توقع ہے۔ اس فروغ پاتی صنعت کا حصہ بننے کیلئے پاکستان کے پاس وسیع مواقع اور صلاحیت موجود ہے۔سردست پاکستانAnimatorsدرکار انفراسٹرکچر اور پیشہ وارانہ تربیت یا کورسز تک محدود رسائی رکھتے ہیں۔Animation صنعت ملازمتوں کے مواقع پیدا کرنے اور غیر ملکی سرمایہ کاری لانے میں پاکستانی معیشت میں اہم کردار ادا کر سکتی ہے۔