انفارمیشن ٹیکنالوجی اور ٹیلی مواصلات کے وزیر سید امین الحق نے عصر حاضر کے چیلنجز کے مقابلے کیلئے جدید ٹیکنالوجی کے فروغ کی ضرورت پر زور دیا ہے۔انہوں نے پیر کے روز اسلام آباد میں پاکستان ٹیلی کمیونیکیشن کمپنی لمیٹڈ کے قائمقام چیف ایگزیکٹو آفیسر ندیم خان سے ملاقات میں انفارمیشن ٹیکنالوجی کے فروغ کیلئے حکومت کے بھرپور تعاون کا یقین دلایا۔قائمقام چیف ایگزیکٹو آفیسر نے وفاقی وزیر کو پی ٹی سی ایل کے مستقبل کے آئی ٹی منصوبوں سے متعلق بریفنگ دی۔