شاہراہوں کے قومی ادارے کے چیئرمین محمد خرم آغا نے کہا ہے کہ گلگت چترال ایکسپریس وے منصوبے کے قابل عمل ہونے کی جائزہ رپورٹ کی منظوری آئندہ ہفتے دی جائے گی جس پر چھیالیس ارب روپے لاگت آئے گی۔اسلام آباد میں گلگت بلتستان کے وزیرا علیٰ محمد خالد خورشید کو بریفنگ دیتے ہوئے انہوں نے کہا کہ یہ رپورٹ حتمی منظوری کے لئے منصوبہ بندی کمیشن کو بھیجی جائے گی۔این ایچ اے کے چیئرمین نے کہا کہ بابو سر سرنگ منصوبے کے قابل عمل ہونے کے حوالے سے بھی کام جلد شروع کیا جائے گا۔