سائنس اورٹیکنالوجی کے وزیر چوہدری فواد حسین نے کہا ہے کہ شہریوں کی نجی زندگی کے تحفظ کیلئے معلومات کے تحفظ کا ایک مستحکم قانون متعارف کرانے کیلئے کوششیں کی جارہی ہیں۔وٹس ایپ کی صارفین کی معلومات کا تبادلہ کرنے کی اجازت کی پالیسی پر ردعمل ظاہر کرتے ہوئے انہوں نے کہاکہ ایک یکطرفہ نقطہ نظر اپنانے کی بجائے بڑے پیمانے پر مشاورت کے بعد پالیسی تبدیلیاں کی جانی چاہئیں۔وٹس ایپ کے صارفین اگر اس سہولت کا استعمال جاری رکھنا چاہتے ہیں تو انھیں آئندہ ماہ کی آٹھ تاریخ تک اس نئی پالیسی پر اتفاق کرنا ہوگا ۔