ملک میں گزشتہ چوبیس گھنٹے کے دوران کورونا وائرس سے متاثرہ مزید ایک سو چودہ افراد جاں بحق ہوگئے ہیں۔نیشنل کمانڈ اینڈ آپریشن سنٹر کے نئے اعداد و شمار کے مطابق ملک میں گزشتہ چوبیس گھنٹے کے دوران چھیالیس ہزار چھیاسٹھ کورونا ٹیسٹ کئے گئے جن میں سے پانچ ہزار پچاس افراد میں وائرس کی تشخیص ہوئی ہے۔ اب تک وبا سے مجموعی طور پر پندرہ ہزار چارسو تینتالیس افراد جاں بحق جبکہ چھ لاکھ اکتیس ہزار سات سو مریض صحت یاب ہوئے ہیں۔