ملک بھر میں یوٹیلیٹی سٹورز کارپوریشن کے ذریعے وفاقی حکومت کے سات ارب اسّی کروڑ روپے کے خصوصی رمضان سہولت پیکیج کے تحت ارزاں نرخوں پر لوگوں کو روزمرہ ضرورت کی اشیا فراہم کی جارہی ہیں جس کا مقصد عوام کو سہولت فراہم کرنا ہے۔پاکستان یوٹیلیٹی سٹورز کارپوریشن کے منیجنگ ڈائریکٹر نے پاکستان ٹیلی ویژن کو دئیے گئے ایک انٹرویو میں کہا ہے کہ رمضان پیکیج میں چینی، آٹا، دالیں، کھجوریں، چاول، چائے، گھی، آئل، بیسن، مشروبات اور دودھ شامل ہیں۔انہوں نے کہا کہ وزیراعظم عمران خان کی خصوصی ہدایات پر ملک بھر میں یوٹیلیٹی سٹورز پر معیاری اشیائے خوردونوش یقینی بنانے کیلئے امدادی پیکیج شروع کیا گیا ہے۔انہوں نے عوام سے اپیل کی کہ وہ یوٹیلیٹی سٹورز پر اشیائے ضروریہ کی خریداری کے دوران کورونا سے بچائو کی تمام تدابیر اختیار کریں۔