اطلاعات ونشریات کے وزیر چوہدری فواد حسین نے پاکستان کرکٹ ٹیم کو زمبابوے میں مسلسل دوسری سیریز جیتنے پر مبارک باد دی ہے ۔آج ایک ٹویٹ میں انہوں نے کہاکہ کرکٹ پوری پاکستانی قوم کو متحد کرتی ہے اور یہی وجہ ہے کہ جب ٹیم کوئی کامیاب حاصل کرتی ہے تو پاکستانی عوام کے دل خوش ہوجاتے ہیں۔وزیراطلاعات نے کہاکہ ہم کورونا وائرس کی وباء کے اس مشکل وقت میں لوگوں کو خوشی کا موقع فراہم کرنے پر کپتان بابر اعظم کی قیادت میں پاکستانی ٹیم کے مشکور ہیں۔انہوں نے اس اعتماد کااظہارکیا کہ پاکستانی کرکٹ ٹیم جیت کا یہ سلسلہ برقراررکھے گی۔