ماحولیات کے لیے وزیر اعظم کے معاون خصوصی ملک امین اسلم نے کہا ہے کہ پاکستان عالمی حدت اور کاربن کے اخراج کو کم کرنے کی بین الاقوامی کوششوں کیلئے پرعزم ہے۔اسلام آباد میں ایک سیمینار سے خطاب کرتے ہوئے انہوں نے کہا کہ ملک میں درخت لگانے کے سب سے بڑے پروگرامز اورقابل تجدید توانائی کے منصوبے حکومت کے کرہ ارض اور اس پر رہنے والوں کیلئے ماحولیات کو برقرار رکھنے کے عزم کا واضح اظہار ہے۔انہوں نے بچوں کو درختوں کی اہمیت او ماحولیاتی تبدیلی کے بارے میں آگاہ کرنے کی ضرورت پر زور دیا۔