پاکستان نے یورپی یونین اورامریکہ کی زیرقیادت میتھین کے اخراج میں کمی لانے کے معاہدے میں شمولیت اختیار کی ہے جو ماحولیاتی تبدیلی پرقابوپانے کے ضمن میں ایک عالمی کوشش ہے جس کارواں سال آغازکیاجائے گا۔موسمیاتی تبدیلی کے بارے میں وزیراعظم کے معاون خصوصی ملک امین اسلم نے ایک بیان میں کہاہے کہ اس معاہدے میں دودرجن سے زائدممالک پہلے ہی شمولیت اختیار کرچکے ہیں جس کا مقصد میتھین کے اخراج کو کم کرکے دوہزارتیس تک تیس فیصد کی سطح پرلاناہے۔انہوں نے کہاکہ پاکستان نے یورپی یونین اورامریکہ کوماحولیاتی تبدیلی کے مضر اثرات سے نمٹنے کی عالمگیرکوششوں میں اپنی شمولیت پرآمادگی سے آگاہ کردیاہے۔پاکستان رواں ماہ کی اکتیس تاریخ سے موسمیاتی تبدیلی پرہونے والی دوروزہ سربراہ کانفرنس سے پہلے اس معاہدے میں شمولیت اختیار کرنے والے چوبیس نئے ممالک میں شامل ہے۔