خاتون اول بیگم ثمینہ عارف علوی نے چھاتی کے کینسر کے حوالے سے بروقت طبی معائنے کے لئے خواتین کی حوصلہ افزائی کرنے کی ضرورت پر زور دیا ہے۔

آج (جمعہ)کراچی میں چھاتی کے کینسر کے حوالے سے آگہی ' خصوصی افراد اور خواتین کو بااختیار بنانے کے حوالے سے ایک سیمینار سے خطاب کرتے ہوئے انہوں نے کہا کہ ملک میں ہر آٹھ میں سے ایک خاتون کو چھاتی کے کینسر کا خطرہ ہے۔ہر سال چھاتی کے کینسر کے باعث چالیس ہزار سے زائد اموات پر تشویش کا اظہار کرتے ہوئے انہوں نے کہا کہ خواتین کے لئے صورتحال کی نزاکت کو سمجھنا اور اپنی صحت کے بارے میں فکرمند ہونا وقت کا تقاضا ہے۔