افغانستان کی حزب وحدت اسلامی کے سربراہ استاد کریم خلیلی نے جنگ سے تباہ حال ملک میں امن عمل میں پاکستان کے مثبت اور تعمیری کردار کو سراہا ہے۔
وہ بدھ کے روز اسلام آباد میں ایک تھنک ٹینک کے زیراہتمام پبلک ٹاک سے خطاب کر رہے تھے۔افغان سیاسی رہنما نے کہا کہ افغانستان میں امن سے ایسے حالات پیدا ہونگے جن سے تمام ممالک خصوصاً ہمارے ہمسایہ ممالک کو فائدہ ہو گا۔انہوں نے امن عمل کے پہلے دور اور دوحہ میں جاری مذاکرات میں پاکستان کی کوششوں کو سراہا اور امیدظاہر کی کہ اگر دونوں ممالک کے درمیان تعلقات اسی رفتار سے آگے بڑھتے رہے تو یہ نئی بلندیوں سے ہمکنار ہونگے۔
