وزیراعظم عمران خان نے کہاہے کہ پہلے پانامہ پیپرز اور اب برطانوی لا ء فرم براڈشیٹ نے ہماری حکمران اشرافیہ کی بڑے پیمانے پر بدعنوانی اور منی لانڈرنگ کو بے نقاب کیاہے ۔ بدھ کے روز ایک ٹویٹ میں انہوں نے کہاکہ یہ اشرافیہ ان عالمی انکشافات پر مظلومیت کے کارڈ کے پیچھے نہیں چھپ سکتی ۔ انہوں نے کہاکہ یہ انکشافات اصل صورتحال کا ایک معمولی حصہ ہیں ۔وزیراعظم نے کہاکہ ہم اپنی اشرافیہ کی منی لانڈرنگ اور اس کی تحقیقات رکوانے کے بارے میں براڈ شیٹ سے مکمل شفافیت کے خواہاں ہیں۔