کشمیریوں کے انسانی حقوق کے ایک ممتاز گروپ تحریک کشمیر نے برطانیہ سے کہا ہے کہ وہ بھارت کے وزیر اعظم نریندر مودی کو گروپ سات کے سربراہ اجلاس میں شرکت کی دعوت نہ دے جو اس سال کے اختتام پر CORN WALL میں ہو گا۔
کشمیر میڈیا سروس کے مطابق تحریک کشمیر برطانیہ کے صدر فہیم کیانی نے کہا کہ ہم نے بھارت کے متعدد دوسرے اقلیتی گروپوں کے ساتھ مل کر بھارتی حکومت کے خلاف احتجاجی مظاہرے کرنے کی منصوبہ بندی کی ہے۔مظاہروں کا مقصد کشمیر میں مسلمانوں اور بھارت میں دوسرے اقلیتی گروپوں کے خلاف بھارتی حکومت کے ہاتھوں انسانی حقوق کی سنگین خلاف ورزیوں کو بے نقاب کرنا ہے۔