پنجاب کے وزیر اعلیٰ عثمان بزدار نے کہا ہے کہ موجودہ حکومت پسماندہ علاقوں کو قومی دھار ے میں لائی ہے۔آج لاہور میں رکن پنجاب اسمبلی حامد یار ہراج سے گفتگو کرتے ہوئے انہوں نے کہا کہ ہر ضلع کیلئے ایک الگ ترقیاتی پیکج تیار کیا جا رہا ہے اور یہ ترقیاتی کام اگلے ڈھائی برس میں مکمل کیا جائے گا۔اس موقع پر گفتگو کرتے ہوئے حامد یار ہراج نے جنوبی پنجاب سیکرٹریٹ کے قیام کیلئے وزیر اعلیٰ کی کوششوں کو سراہا۔