وزیر خزانہ حماد اظہر نے یوٹیلٹی سٹورز کارپوریشن کے منیجنگ ڈائریکٹر کو ہدایت کی ہے کہ عوام کو مناسب قیمت پر بنیادی اشیائے ضروریہ کے وافر ذخیرے اور دستیابی یقینی بنائیں۔اسلام آباد میں نیشنل پرائس مانیٹرنگ کمیٹی کے اجلاس کی صدارت کرتے ہوئے انہوں نے صوبائی حکومتوں پر زور دیا کہ وہ رمضان المبارک کے دوران مناسب قیمتوں پر چینی کی بلاتعطل فراہمی یقینی بنانے کیلئے سخت انتظامی اقدامات کریں۔وزیر خزانہ نے ملک بھر میں مناسب قیمتوں پر بنیادی اشیائے ضروریہ کی فراہمی یقینی بنانے کیلئے نمایاں تعداد میں رمضان بازاروں کے قیام کی بھی ہدایت کی۔
