منصوبہ بندی اور ترقی کے وزیر اسد عمر نے کہا ہے کہ اب تک ملک میں 13 لاکھ سے زائد افراد کو کورونا وائرس سے بچاؤ کی ویکسین لگائی جا چکی ہے۔منگل کے روز ایک نیوز کانفرنس سے خطاب کرتے ہوئے انہوں نے کہا کہ اس وقت یومیہ ساٹھ سے ستر ہزار لوگوں کو ویکسین لگائی جا رہی ہے اور ہماری کوشش ہے کہ عیدالفطر کے بعد روزانہ ڈیڑھ لاکھ سے دو لاکھ تک لوگوں کو ویکسین لگائی جائے۔وفاقی وزیر نے ایک بار پھر لوگوں پر زور دیا کہ وہ کورونا وائرس کو پھیلنے سے روکنے کیلئے صحت کے رہنما اصولوں کی مکمل پاسداری کریں۔