موسمیاتی تبدیلی کے بارے میں وزیر اعظم کے مشیر ملک امین اسلم نے کہا ہے کہ نئے ڈیموں اور آبی ذخائر کی تعمیر ناگزیر ہے تا کہ پانی کی قلت اور توانائی کی پیداوار جیسے اہم مسائل سے نمٹا جاسکے۔ایک نجی ٹی وی چینل سے گفتگو کرتے ہوئے انہوں نے کہا کہ تحریک انصاف کی حکومت پانی کی کمی پوری کرنے کیلئے مزید ڈیموں کی تعمیر کیلئے پرعزم ہے۔ملک امین اسلم نے کہا کہ پاکستان موسمیاتی تبدیلی سے متاثر ہونے والے دس ممالک میں شامل ہے اور حکومت ان تمام منصوبوں پر توجہ مرکوز کر رہی ہے جو ماحول دوست ہیں۔