ممتازعالمی روزنامے نیویارک ٹائمزنے کہاہے کہ بھارتی سپریم کورٹ کی طرف سے زرعی قوانین کی معطلی کسانوں کے احتجاجی دھرنے کے باعث مودی حکومت پرآنے والے دبائو کو کم کرنے کاایک بہانہ ہے۔
اخبارنے اپنی رپورٹ میں سپریم کورٹ کی طرف سے قائم کی گئی کمیٹی پر شدیدتحفظات کا اظہار کرنے والے کسان رہنمائوں کے حوالے سے کہاہے کہ اس کمیٹی میں شامل تمام ارکان زرعی قوانین کے زبردست حامی ہیں۔بھارتی سپریم کورٹ کایہ اقدام کسانوں اورسرکاری حکام کے درمیان مذاکرات کے کئی ادوار کی ناکامی کے بعدسامنے آیالیکن عدالت کی طرف سے کمیٹی کے قیام نے بھارتی عدالتی نظام کی غیرجانبداری کے متعلق موجودتحفظات کومزیدگہراکردیاہے۔