اقوام متحدہ نے میانمارمیں فوجی حکومت کی طرف سے بے گناہ افرادکی ہلاکتوں کے پُرتشدد واقعات کی روک تھام کے لئے عالمی برادری کے فوری اورفیصلہ کن اقدامات کی ضرورت پر زوردیاہے۔
جنیوامیں انسانی حقوق کے بارے میں اقوام متحدہ کے ہائی کمشنرنے ایک بیان میں کہاکہ فوج لوگوں کے خلاف اندھادھندہتھیاروں کے استعمال سے تشدد کے واقعات میں تیزی لارہی ہے۔ادھرمیانمارمیں یکم فروری کو فوجی بغاوت کے بعدسیکیورٹی فورسزکی کارروائیوں میں سات سوافرادہلاک ہوچکے ہیں۔