اقوام متحدہ میں پاکستان کے مستقل مندوب منیراکرم نے عالمی ادارے کے زیرانتظام سرمایہ کاری کے پائیداربنیادی ڈھانچے کے قیام کی تجویز پیش کی ہے جو سرمایہ کاروں کے لئے سہولت کار کا کردار ادا کرے ۔
منیراکرم نے ایک ٹوئیٹ میں کہاکہ پائیدارترقیاتی ا ہداف سرمایہ کاری میلہ تمام متعلقہ فریقوں کویکجا کرنے کے حوالے سے ایک پلیٹ فارم کاکرداراداکرسکتاہے۔اقوام متحدہ میں پاکستانی مشن کے نائب مستقل نمائندے عامرخان نے اقوام متحدہ کے امن فوجی دستوں کا تحفظ اورسلامتی کو یقینی بنانے کیلئے اجتماعی کوششیں کرنے پر زور دیا۔ایک ٹوئیٹ میں انہوں نے کہاکہ شورش زدہ علاقوں کے لوگ امن فوجی دستوں کوزندگی اور محفوظ مستقبل کے حوالے سے امید کی کرن سمجھتے ہیں۔