افغانستان میں طالبان حکومت کے وزیرخارجہ امیرخان متقی نے امریکہ سے مطالبہ کیاہے کہ وہ طالبان رہنمائوں کے نام دہشت گردوں کی اپنی بلیک لسٹ سے ہٹائے۔کابل میں ایک پریس کانفرنس سے خطاب کرتے ہوئے انہوںنے مزیدمطالبہ کیاکہ امریکہ افغانستان کے منجمداثاثے بحال کرے تاکہ مالی مشکلات سے دوچارملک کو چلانے کے لئے مدد مل سکے۔انہوں نے اس امرپرافسوس کااظہارکیاکہ طالبان نے امریکی فوجیوں کوافغانستان سے انخلاء کے لئے محفوظ راستہ فراہم کیالیکن جواب میں اس نے افغانستان کے اثاثے منجمدکردیے۔انہوں نے کہاکہ افغان حکومت اپنے وعدوں کی پاسداری کرے گی اور اپنی سرزمین کو دوسرے ممالک پرحملوں کے لئے استعمال نہیں ہونے دے گی۔طالبان وزیرخارجہ نے عالمی برادری سے اپیل کی کہ افغانستان کے لئے امدادفراہم کی جائے۔