پنجاب کے وزیراعلیٰ سردارعثمان بزدار نے عوام کو سہولت فراہم کرنے کیلئے قیمتوں پر قابو پانے کے طریقہ کار پر موثر عملدرآمد کی ہدایت کی ہے۔ آج ایک بیان میں انہوں نے انتظامیہ کو ہدایت کی کہ وہ لوگوں کو مصنوعی مہنگائی سے محفوظ رکھنے کیلئے منڈیوں اور بازاروں میں اشیائے ضروریہ کی قیمتوں کی موثر طور پر نگرانی کرے۔ انہوں نے کہا کہ عوام کو مقررہ کردہ نرخوں پر اشیائے ضروریہ کی دستیابی یقینی بنائی جائے۔