منصوبہ بندی اور ترقی کے وزیر اسد عمر نے کہا ہے کہ حکومت کی دانشمندانہ پالیسیوں کے باعث غیر ملکی سرمایہ کاروں کا اعتماد مزید مضبوط ہوا ہے اور آئی ٹی کے شعبے میں اربوں ڈالر کی سرمایہ کاری پاکستان آ رہی ہے۔وہ پشاور میں دو روزہ ڈیجیٹل یوتھ کانفرنس کے اختتامی سیشن میں شرکت کے دوران صحافیوں سے گفتگو کر رہے تھے۔اسد عمر نے کہا کہ حکومت زراعت،آئی ٹی اور سیاحت جیسے شعبوں پر توجہ مرکوز کر رہی ہے جہاں ترقی کے مواقع موجود ہیں۔انہوں نے کہا کہ گندم ،چاول اور گنے کی فصلوں کی ریکارڈ پیداوار ہوئی ہے اور کسان اس ترقی سے فائدہ حاصل کر رہے ہیں۔