امریکہ نے بھارت پر واضح کیا ہے کہ اگر اس نے روسی ساختہ S-400 فضائی دفاعی نظام حاصل کیا تواسے پابندیوں کا سامنا کرنا پڑیگا۔
نئی دلی میں امریکی سفارتخانے کے ایک ترجمان نے کہا کہ امریکہ S-400 کی خریداری کے بھارتی منصوبے کے حوالے سے مکمل باخبر ہے۔ترجمان نے کہا کہ امریکہ نے بھارت کی طرف سے روس کے ساتھ اس طرح کے کسی بھی معاہدے کو پابندیوں سے مستثنیٰ قرار نہیں دیا۔ٹرمپ انتظامیہ بھارتی حکومت کو کہتی رہی ہے کہ وہ میزائل سسٹم کی خریداری کیلئے پانچ ارب پچاس کروڑ ڈالرز کا معاہدہ ختم کرے اور سفارتی مسئلہ پیدا کرنے سے باز رہے۔