وزیرخزانہ شوکت ترین نے چیئرمین ایف بی آرکوہدایت کی ہے کہ ملک میں گھی اورخوردنی آئل کی قیمتوں میں استحکام یقینی بنانے کے لئے حکمت عملی وضع کی جائے۔اسلام آباد میں قیمتوں پرنظررکھنے والی قومی کمیٹی کے اجلاس کی صدارت کرتے ہوئے انہوں نے کہاکہ عالمی مارکیٹ میں خوردنی تیل کی قیمتوں میں عدم استحکام سے ملک میں گھی کی مقامی قیمتوں میں اضافہ ہواہے۔قومی کمیٹی نے صوبائی چیف سیکرٹریوں کو ہدایت کی کہ ملک میں مناسب نرخوں پر گندم کی ترسیل یقینی بنانے کے لئے انیس سوپچاس روپے فی چالیس کلوگرام کی قیمت پرگندم کی یومیہ فراہمی جاری رکھی جائے۔
