فاءل فوٹو
امریکہ نے سعودی عرب کو عسکری امدادی خدمات کیلئے پچاس کروڑ ڈالر سے زائد مالیت کے ایک معاہدے کی منظوری دی ہے۔محکمہ ٔخارجہ نے ایک بیان میں کہا کہ اس مجوزہ معاہدے سے ایک دوست ملک کی سلامتی کو بہتر بنانے میں مدد دیتے ہوئے امریکی خارجہ پالیسی اور قومی سلامتی کے مقاصد کو تقویت ملے گی جو مشرقِ وسطیٰ میں سیاسی استحکام اور اقتصادی ترقی کیلئے ایک اہم محرک ہے۔صدر جوبائیڈن کے اقتدار میں آنے کے بعد سعودی عرب کے ساتھ یہ پہلا دفاعی معاہدہ ہے جو کانگریس کو بھیجا گیا۔معاہدے کے تحت ہیلی کاپٹروں کی مرمت کی خدمات فراہم کی جائیں گی۔