خیبرپختونخوا کے وزیراعلی محمود خان نے کہا ہے کہ رواں مالی سال کے دوران 79 ارب روپے سے زائد ترقیاتی فنڈز جاری کیئے گئے ہیں ۔ پیر کے روز پشاور میں اے ڈی پی کے جائزہ اجلاس کی صدارت کرتے ہوئے انہوں نے کہاکہ صوبے بھر میں تقریباً آٹھ سو ترقیاتی منصوبے تکمیل کے مراحل میں ہیں ۔وزیراعلی نے فنڈز کے استعمال پراطمینان کا اظہارکیا اور تمام شعبوں کو ترقیاتی فنڈز کے استعمال کے حوالے سے ماہانہ رپورٹ پیش کرنے کی ہدایت کی ۔