امریکہ نے تسلیم کیاہے کہ افغانستان سے اس کے فوجی انخلاء سے چندروزپہلے کابل میں امریکی ڈرون حملے میں دس بے گناہ افرادہلاک ہوئے تھے۔ پینٹاگان میں صحافیوں سے گفتگوکرتے ہوئے امریکی سنٹرل کمان کے کمانڈر جنرل Kenneth Mckenzieنے کہاکہ امریکی فوج نے تحقیقات کا جائزہ لیا اورتسلیم کیاہے کہ ڈرون حملے میں عام شہری مارے گئے تھے۔جنرل میکنزی نے حملے کوایک سنگین غلطی قراردیااورکہاکہ طالبان کی جانب سے ایسی کوئی خفیہ معلومات فراہم نہیں کی گئی تھیں جن کی بنیاد پریہ حملہ کیاگیاتھا۔
