صدر مملکت ڈاکٹر عارف علوی نے کہا ہے کہ پاکستان اور اردن کے درمیان مشترکہ ثقافت اور تاریخ کی بنیاد پر بہترین برادرانہ تعلقات ہیں، پاکستان اردن کے ساتھ تجارت، معیشت، ثقافت اور دفاع کے شعبوں میں اپنے تعلقات کو مزید مضبوط بنانے کا خواہاں ہے۔
صدر مملکت نے ان خیالات کا اظہار پاکستان میں اردن کے سبکدوش ہونے والے سفیر ابراہیم یالا المدنی سے گفتگو کرتے ہوئے کیا جنہوں نے بدھ کو یہاں ایوان صدر میں ان سے ملاقات کی۔ صدر نے دونوں برادر ممالک کے باہمی مفادات کے لیے اردن کے ساتھ اقتصادی اور تجارتی شعبوں میں تعاون بڑھانے کی ضرورت پر زور دیا۔ انہوں نے دونوں برادر ممالک کو مزید قریب لانے کے لیے سیاسی، ثقافتی اور تعلیمی تبادلوں پر بھی زور دیا۔ صدر نے اردن کی امن کوششوں اور سیاسی اور سفارتی ذرائع سے مسئلہ فلسطین کی حمایت کو سراہا
