ایک ہفتے پر محیط انسداد پولیو مہم کل سے سندھ میں شروع ہو رہی ہے جس میں صوبے بھر میں پانچ سال تک کی عمر کے چورانوے لاکھ بچوں کو انسداد پولیو اور وٹامن اے کے قطرے پلائے جائیں گے۔

پولیو کے خاتمے کے حوالے سے صوبائی ٹاسک فورس نے کراچی میں صوبائی وزیر صحت ڈاکٹر عذرا فضل پیچوہو کے زیر صدارت ایک اجلاس میں مہم کے انتظامات کا جائزہ لیا۔اجلاس کو بتایا گیا کہ صوبے بھر میں چوہتر ہزار چار سو پینتیس پولیو اہلکاروں کی تربیت مکمل ہوچکی ہے۔اجلاس سے خطاب کرتے ہوئے ڈاکٹر عذرا فضل پیچو ہو نے کہا کہ ملک میں پولیو کے کیسز میں نمایاں کمی ایک بڑی کامیابی ہے۔