پنجاب اسمبلی کے رکن سردار مہندرپال سنگھ نے کہا ہے کہ پاکستان تحریک انصاف کی حکومت نے اپنے تمام شہریوں کے مذہبی عقائد کا احترام کرنے کا یقین دلایا ہے اور رواں مالی سال کے دوران صرف پنجاب میں اقلیتی برادری کے فلاحی منصوبوں کے لئے ڈھائی ارب روپے مختص کئے ہیں۔ریڈیو پاکستان کے بہاولپور کے نمائندے سجاد پرویز کو ایک خصوصی انٹرویو میں انہوں نے کہا کہ حکومت پاکستان کی ترقی میں اقلیتی برادری کی گرانقدر خدمات سے بخوبی آگاہ ہے۔