وزیرخارجہ شاہ محمود قریشی نے کہا ہے کہ چین اس ماہ کے آخر تک کورونا کی ویکسین کے پانچ لاکھ انجیکشنزجذبہ خیر سگالی کے طورپر مفت فراہم کریگا۔انہوں نے جمعرات کی سہ پہر اسلام آباد میں صحافیوں سے گفتگو کرتے ہوئے کہا کہ چین کے وزیرخارجہ نے ٹیلی فون پر بات چیت کرتے ہوئے کہا کہ پاکستان یہ ادویات حاصل کرسکتا ہے۔شاہ محمود قریشی نے کہا کہ چین آئندہ ماہ کے آخر تک پاکستان کی ضرورت کے مطابق کورونا کی ویکسین کے 11لاکھ انجیکشنز فراہم کرنے کا وعدہ بھی کیا جس کا مقصد ملک کی زیادہ تر آبادی کی ضرورت پوری کرنا ہے۔وزیرخارجہ نے کہا کہ چین نے پاکستان میں کورونا ویکسین تیار کرنے پر بھی اتفاق کیا ہے۔