ترکی کے صدر رجب طیب اردوان نے اسرائیل کے صدر آئزک ہرزوگ کے ساتھ ٹیلی فون پر گفتگو کرتے ہوئے مقبوضہ مغربی کنارے کے علاقے میں بڑھتے ہوئے حملوں اور تشدد کی کارروائیوں پر سخت تشویش کا اظہار کیاہے۔ترکی کے کمیونیکیشن ڈائریکٹوریٹ نے ایک بیان میں کہا کہ صدر نے بھی مقبوضہ مشرقی بیت المقدس میں مسجد اقصیٰ کے تاریخی رتبے اور روحانی مقام کے خلاف اشتعال انگیزی اور دھمکیوں کی اجازت نہ دینے کی اہمیت پر زور دیا۔