انفارمیشن اینڈکمیونیکیشن ٹیکنالوجی کی برآمدات میں رواں مالی سال کی پہلی ششماہی میں چالیس فیصداضافہ دیکھاگیاہے۔پاکستان سافٹ ویئرایکسپورٹ بورڈ کے مطابق آئی ٹی کی برآمدات گزشتہ سال چھ سوچوراسی ملین ڈالر سے بڑھ کررواں مالی سال کی پہلی ششماہی میں نوسواٹھاون ملین ڈالرتک ہوگئیں۔آئی ٹی برآمدات میں اضافے کی تعریف کرتے ہوئے وزیربرائے انفارمیشن ٹیکنالوجی اور ٹیلی مواصلات سیدامین الحق نے کہاکہ پاکستان کی آئی ٹی صنعت تیزی سے ترقی کررہی ہے اور آئی ٹی سیکٹر کی برآمدات بڑھانے کے لئے ہرممکن اقدام اٹھایاگیاہے۔