پاکستان کے دورے پر آئے ہوئے سری لنکا کے بدُھ بھکشوؤں کے وفد نے آج صبح ٹیکسلا میں آثار قدیمہ کے مقام سرکپ (SIRKAP)کا دور ہ کیا۔SIRKAPکے قدیم آثار کو ان کی غیر معمولی تاریخ اور اُن کی اہمیت کے باعث محفوظ ورثہ قرار دیا گیا ہے ۔وفد کے ایک رکن اساجی تھیرو(ASSAJI-THERO )نے ریڈیو پاکستان کے نمائندے حیدر عباس سے گفتگو کرتے ہوئے کہا کہ ٹیکسلا اپنے بھر پور ثقافتی اور تاریخی ورثے کی وجہ سے سیاحوں کے لیے اہم مقامات میں سے ایک ہے ۔انہوں نے کہا کہ ہم اپنے لوگوں کی بھرپور حوصلہ افزائی کریں گے کہ وہ پاکستان آئیں اور ٹیکسلا کا دورہ کریں جہاں سے وہ مشترکہ ثقافتوں کے متعلق وسیع علم حاصل کرسکتے ہیں۔