حالیہ برسوں خصوصاً پاکستان کی جانب سے ایٹمی ہتھیاروں کے حصول کے بعد بھارت کی جانب سے پاکستان کے خلاف ہائبرڈ وار میں تیزی آئی ہے جس نے جنوبی ایشیاء میں مکمل جنگ کے امکانات کوختم کردیا ہے ۔سیاسی تجزیہ نگاروں کے نقطہ نظر پرمبنی کشمیر میڈیا سروس کی تجزیاتی رپورٹ میں بتایاگیا ہے کہ حالیہ برسوں میں بھارت کے پاکستان کو غیرمستحکم کے خطرناک ایجنڈے میں مزید تیزی آئی ہے کیونکہ مقبوضہ جموں وکشمیر کے حوالے سے بھارتی ایجنڈے کی راہ میں واحد رکاوٹ پاکستان ہے ۔تجزیہ نگاروں نے کہا کہ دوسرے جزیات کے ساتھ بھارت اطلاعاتی جنگ کو پاکستان کے خلاف ایک بڑے ہائبرڈ حربے کے طورپر استعمال کررہا ہے ۔اس ڈاکٹرائن کا مقصد پاکستان کو داخلی اور خارجی دونوں محاذوں پر غیرمستحکم کرنا اوراس کے حوصلے پست کرنا ہے۔