وزیرخارجہ شاہ محمود قریشی نے بھارت کو چیلنج کیا ہے کہ وہ اپنے غیرقانونی زیرقبضہ جموں وکشمیر میں پانچ اگست دوہزار انیس کے غیرقانونی اوریکطرفہ اقدامات کے بارے میں دنیا بھر میں مقیم کشمیریوں کی رائے جاننے کیلئے ریفرنڈم کروائے ۔آج ایک بیان میں انہوں نے کہاکہ اگر دنیا بھر کے کشمیری اس ریفرنڈم میں ان یکطرفہ اقدامات کو مسترد کریں تو بھارت کو اپنے فیصلوں پرنظر ثانی کرناہوگی۔وزیرخارجہ نے کہا کہ ماضی میں بھارتی حکومت کا حصہ بننے والے رہنمائوں سمیت تمام کشمیری ان غیرقانونی اقدامات کے خلاف متحد ہیں۔انہوں نے کہاکہ بھارت کی جانب سے جمعرات کو کانفرنس بلانے کا بیان ظاہر کرتا ہے کہ سب ٹھیک نہیں ہے۔