کشمیر کے بارے میں پارلیمانی کمیٹی کے چیئرمین شہریار خان آفریدی نے کشمیریوں پر مظالم کو اجاگر کرنے کے لئے ہر عالمی فورم پر مودی حکومت کے اصل چہرے کوبے نقاب کرنے کے پاکستان کے عزم کا اعادہ کیاہے۔آج ریڈیو پاکستان کے خبروں اور حالات حاضرہ کے چینل کو ایک خصوصی انٹرویو میں انہوں نے کہاکہ کشمیر کے سفیر کی حیثیت سے وزیراعظم عمران خان نے دنیا بھر میں جموں و کشمیر پر بھارت کے غیر قانونی قبضے کو اجاگر کیا ہے۔انہوں نے کہاکہ پاکستانی عوام اپنے کشمیری بھائیوں کی حق خودارادیت کی منصفانہ جدوجہد میں ان کے شانہ بشانہ کھڑے ہیں۔